VOV4.M'nông: Bộ Ngoại giao Nhật Bản tâm nar (7/3) hŏ n'hao rnoh mbơh njrăng lor mpăng đêt rsong hăn tât lam dak Nga hao "rnoh gưl 3”, jêng lah rnoh "njrăng đă rlu ăp trong hăn”. Tĭng nê, mô kơp nkual wăr kâng n'har đah Nga n'hanh Ukraine hŏ dơi an dŏng "rnoh gưl 4" jêng lah rnoh "njrăng đă ntrơn du", ăp nuĭh ƀon lan dơi njrăng đă manh rlu hăn tât Nga đah moh ntil nău kan. Bộ Ngoại giao Nhật Bản an gĭt, tă bah tâm mpăng trong mpăr hăn rlău neh dak bah Nga n'hanh liên minh châu Âu, ăp hãng hàng không Nga dơi njrăng đă manh rlu rdeng năch đah Nga n'hanh ăp dak bah dih. Ăp ndeh păr ntơm hăn bah Nga geh mpăng đêt, têk nkre đah rnoh khlay vé ndeh păr hao khlay n'hanh mpêt ndrôm./.

Nuĭh rblang: Điểu Thân