VOV4.M’nông – Ta rƀŭn nchră gưl prêh trực tuyến mpeh nu nău Ucraina đah ăp kruanh Mỹ n’hanh Liên minh châu Âu, măng 19/4, Thủ tướng Nhật Bản Kishida Fumio mbơh chính phủ mbra n’hao an manh đah trong ntop kơl prăk kaih bah 100 rkeh đôlar hao 300 rkeh đôlar Mỹ gay ntop kơl jâng wăng sa Ukraina. Rlău ma nĕ, Nhật Bản mbra ntrŭt nău wơt dơn n’hanh pă ntop kơl nuĭh an ăp nuĭh gŭ ndê an Nhật Bản. Rlău tay, geh tât nău pă an năp ndoh ndơ, Nhật Bản mbra pă tay măt nglăp nking n’gang, kho ao nsrŭt n’hanh flycam tĭng nău đă bah chính phủ Ukraina. Ta rơh rƀŭn ăp nuĭh kruanh lĕ tâm ban ŭch ntop kơl ngăch an Ukaina rnôk Nga mbơh ntơm du “lvang mhe” tâm nău ƀư tahen ta miền Đông Ukraina. Pơh bah năp, Mỹ ton pă tay 800 rkeh đôlar an Ukraina đah trong ndrăk nsiu, ndeh tahen.

Nŭih blang: Y Sưng Phê Ja