VOV4.M’nông: Nhật Bản mra mât ân nâp ăp nau kan mô ân lăp gŭ âk gay ma njrăng rdâng nau ntưp rêng bah ntil kman njêng săk Omicron ân tât dŭt khay 2 tât. Nhật Bản hŏ nchâp ƀư du đê̆ nau kan gay ma nkân njrăng tâm nkuăl n’har bri jăp nâp ngăn rđil đah lam ntur neh rnôk ntil njêng săk Omicron geh tâm dŭt năm e, kơt lah nau mô ân nŭih dak ba dih lăp, n’ăp ma sinh viên, gŭ gŭ ƀư kan, nŭih tâm rnăk vâl bah nŭih Nhật dôl rêh tâm dak ba dih, knŭng dơi đah ăp nŭih geh nau ndal êng. Ndri ma, nau kuăl jă geh nau rgâl, Chính phủ Nhật Bản dôl ma uănh gay ma ƀư lhoi oi du đê̆ nau kan. Thủ tướng Nhật Bản Ki-si-đa Phư-mi-o hŏ mât ăp nau kan rjăp tâm nkuăl n’har bri ân nâp lơn tâm rmôt G7, yor ăp nau kan nê hŏ kơl an Nhật Bản dơi nkân njrăng nau ntưp rêng bah srê Omicron ndrel geh nau dơi nchrăp rdâng ueh đah nau ntưp rêng tâm dak nơm./.

Nŭih rblang: H’Thi