VOV4.M’nông: Chính phủ Nhật Bản mbơh dak aơ ntơm ndơn ăp nŭih hăn gŭ du der luh tă bah Ukraine. Tâm du rơh rƀŭn mbơh mhe ngăn, Chánh văn phòng Chính phủ Nhật bản mbơh, hŏ geh 8 nŭih Ukraine ntrơn hăn lăp tâm Nhật Bản. Ăp nŭih aơ lah ăp băl mpôl bah ƀon lan Ukraine ta Nhật Bản mô lah bah nŭih Nhật Bản nơm. Nau nchrăp ndơn ăp nŭih ƀon lan Ukraine hăn ntrơn gŭ geh Thủ tướng Kishida Fumio mbơh tâm rnôk kuăl điện tâm nchră đah Thủ tướng Ba Lan lơ 2/3. Wa Kishida Fumio mbơh, Nhật Bản mô knŭng kâp vơt nŭih ƀon lan Ukraine geh băl mpôl ndrel băl bên tâm neh dak Châu Á aơ, ma hôm ƀư ân tŏng di nau ŭch kơl an đah ăp nŭih Ukraine êng ŭch tât Nhật Bản./.

Nŭih rblang: H’Thi