VOV4.M’nông – Geh tât nău Triều Tiên pănh 3 grăp phao ŭnh ta nar 25/5, jêh rnôk rƀŭn nchră 4 dak Nhật Bản, Mỹ, Australia n’hanh Ấn Độ lôch jêh, Kruanh n’gâng kan mât njrăng bri dak Nhật Bản Kishi Nobuo uănh an aơ lah nău ƀư nsŭk nsôr mô dơi kơp dơn. Wa Kishi Nobuo an gĭt tay grăp phao ŭnh lĕ tŭp ta bah dih nkual wăng sa êng bah Nhật Bản. Aƀaơ Nhật Bản dôl rgum joi nu naư n’hanh rblang gay geh ăp trong rdâng tay. Ntoh măt bah N’gâng kan tâm rnglăp nchră nău Nhật Bản mât uănh nkual châu Á-Thái Bình Dương lĕ điện tâm nchră dâl đah ntoh măt mât uănh nu nău Triều Tiên bah Mỹ lah rjăp nău mĭn nsum lah nău ƀư hun hao hạt nhân n’hanh grăp phao ŭnh bah Triều Tiên lah nsŭk nsôr hô tât nsum mpôl lam ntŭr neh. Yor nê, kan ndrel rjăp đah Nhật-Mỹ, Nhật-Hàn gay rƀŏng tât mô hôm hạt nhân ta gôl dak Triều Tiên lah dŭt khlay.

Nuĭh rblang: Y Sưng Phê Ja