VOV4.M’nông: Chính phủ Nhật Bản mbơh, ntơm lơ 8/4, dak aơ mra tưih jăng lơi nau nkâh rdâng đah ăp nŭih tât tă bah 106 dak ndrel nkuăl nêh, tâm nê geh Anh, Mỹ, Ca-na-da, Đức, Pháp, Ấn Độ...Ăp kon se lăp nti nau kan tă bah ăp nkuăl geh nkah ba lơ mra dơi geh lăp tay tâm Nhật Bản jêh rnôk pă săm ƀŭt bah ăp nau mât bôk bah ăp ntŭk ƀư kan mô lah ngih săm ƀŭt. Yơn lah, Nhật Bản mra mô geh ndơn nau lăp gŭ lah ŭch hăn pâl n’aih. Nau mbơh tă bah Chính phủ Nhật Bản ndrel nar kŏ mbơh, 56 dak ndrel nkuăl neh êng êng tâm ăp nkuăl Mỹ Latinh, châu Âu, Trung Đông, Châu Phi hôm tâm rnoh n’huch nau lăp tâm dak Nhật Bản tĭng Luật nkân lăp gŭ. Bah năp nê, Nhật Bản ntâl mpông n’har nơm đah ăp năch dak ba dih ntơm bah ăp nar geh srê ndrel êp aơ knŭng ndơn sinh viên ndrel nŭih ƀư nau kan tăch rgâl./.

Nŭih rblang: H’Thi