VOV4.M'nông: Nhật Bản n'hanh Mỹ hŏ tâm ban ŭch n'hao dăng tâm boh gay nking nchăng ăp nău nsrôih gay rgâl lơh khuch djơh ta Ấn Độ Dương - Thái Bình Dương. Ta rơh mâp đah nuĭh ndrel gưl kan Nhật Bản Kishi Nobuo ta Mỹ, Bộ trưởng Quốc phòng Mỹ Lloyd Austin ton mbra pơk hvi lơh nkri hạt nhân kơl an dak băl lah Nhật Bản. Tâm rnôk wa Kishi Nobuo lah rjăp nău khlay nar lơn ma hao bah nău bar dak tâm boh nsum gay ƀư an nău nkri jêng nsing nơm lơn tâm nău rêh rnă njrăng krit nji aƀaơ. Bar kruanh rđău kan lah rjăp tay nău khlay bah nău bah tâm lơh tâm su n'hanh đăp mpăn ta yơn dak lêng Đài Loan (Trung Quốc). Hăn khâl Mỹ bah wa Kishi Nobuo lah hăn khâl lor bôk năp bah păng kơp ntơm bah rnôk dơn ƀư bộ trưởng Quốc phòng Nhật Bản ntơm bah khay 9 năm 2020.

Nuĭh rblang: Điểu Thân