VOV4.M’nông – Rƀŭn nchră wăng sa lam ntŭr neh (WEF) năm 2022 nar nđaơ (22/5) lĕ ntơm ƀư sŏng dăng ta Davos-Thụy Sỹ jêh rlău 2 năm tăch proăt yor chôt srê Covid-19, đah rgum tâm nchră lah ăp nău khuch bah rơh tâm lơh ta Ukraine n’hanh ăp trong mkra nchoeng n’gang Covid-19 ta Trung Quốc tât jâng wăng sa lam ntŭr neh kơt nău nsrôih rgâl trôk nar. Ƀư bah nar 22/5 tât 26/5, Rƀŭn nchră wăng sa lam ntŭr neh Davos-Thụy Sỹ năm aơ geh tât râng bah rlău 2500 chính trị gia, kruanh ăp tập đoàn têh, ntoh măt ăp rmôt kan rêh jêng kơt ăp ngih pah truyền thông. Rlău 400 rơh tâm nchră mbra dơi ƀư, rgum tâm lĕ rngôch ăp nău khlay geh tât wăng sa lam ntŭr neh, mât uănh lam ntŭr neh, mât njrăng ntŭk ntô gŭ âm, nchăng n’gang rgâl trôk nar... tâm nĕ rgum ăp nău tâm nchră mpeh nău khuch bah tâm lơh ta Ukraine kơt ăp trong nchăng n’gang srê Covid-19 bah Trung Quốc tât nău rdâk hao wăng sa lam ntŭr neh jêh srê.

Nuĭh rblang: Y Sưng Phê Ja