VOV4.M’Nông- Nar 4/7, rơh rƀŭn nchră kruanh n’gâng kan nchră nău đah dak bah dih tâm kơl Mê Công- Lan Thương tal 7 lĕ geh ƀư ta Ba gan, Mianma, đah nău tât râng bah ăp dak Campuchia, Lào, Mianmar, Thái Lan, Trung Quốc n’hanh Việt Nam. Ăp đại biểu tât râng rơh rƀŭn nchră uănh năl âk ăp nău tâm rgop kan têh dăng bâh Mê Công-Lan Thương tal 7 đah nău tâm kơl n’hanh hun hao ta nkual. Prăk geh tăch ndơ đah bar ding ăp dak Mê Công- Trung Quốc năm 2021 geh bơi tât 400 rmen đôlar, hao 23% đah năm 2020. Rơh rƀŭn nchră lah na nê̆ ăp nău way tâm kơl, tâm ban, ôp mbơh nău ndrel, tâm kơl nău tă gĭt vât, tâm ryơk n’hanh luật pháp ăp dak, nkre lah tâm ban ŭch ntrôl tâm kơl Mê Công- Lan Thương tĭng trong ndâk nsơm tâm boh tâm rnglăp, tâm rgop kơl âk ueh an hun hao wăng sa rêh jêng bâh ăp dak kan ndrel, rdâk njêng ntŭk rêh jêng ASEAN, n’hanh ƀư tĭng ăp nkô̆ mpŏng hun hao nâp nâl năm 2030.

Nuĭh rblang: Thị Đoắt