VOV4.M'nông: Ôi aơ (16/6), ta thủ đô New Delhi, Ấn Độ, ntơm pơk tâm nchră mha êng Bộ trưởng Ngoại giao ASEAN- Ấn Độ. Aơ lah nău kan dŭt khlay tâm trôm nar ƀư nkah ndray 30 năm njêng tâm boh tâm dâl nău ASEAN - Ấn Độ. Bar ding ŭch nkhêp geh nar dja, gay tâm nchră ăp trong ƀư ntrŭt ntrôl tâm boh, rgum nsum nău mĭn bar ding tâm rnôk lam ntŭr neh n'hanh nkual dôl nar lơn ma ntoh âk nkô̆ nău duh jêr. Luh bah nuh srê Covid-19, ASEAN tĭng kơn dâk hao tay, ndăn tay tơm ndơ n'hanh mât tâm boh tâm ban đah ăp băl tâm boh gay tĭng ƀư lor ăp trong rƀŏng hun hao  lam lĕ rngôch, nâp jong. Ma rơh tâm nchră dja, Ấn Độ ŭch rŏng an ƀư tay nău mĭn mhe Ấn Độ Dương - Thái Bình Dương, rgop mât đăp mpăn geh nău dơi trong kan rƀŏng mpeh luh nar./.

Nuĭh rblang: Điểu Thân