VOV4.M'nông: Ôi 24/5, ta Tokyo, Tâm nchră tâm dâl nău rnă njrăng 4 dak Nhật Bản, Mỹ, Australia, Ấn Độ hŏ ntơm pơk ngăn. Tâm nchră geh nău tât râng bah Tổng thống Mỹ Joe Biden, Thủ tướng Nhật Bản Kishida Fumio, Thủ tướng Ấn Độ Modi, Thủ tướng Australia An-ba-ni-zi. Ƀư tơm tâm nchră, Thủ tướng Nhật Bản an lah lôch tâm nchră 4 dak dơi ƀư ntơm bah khay 9 năm 2021, đăp mpăn lam ntŭr neh geh nău rgâl. Tâm nô nău nê, nău mpơl nău mĭn rôih sŏng tâm trong uănh jong nsum mpeh Nkual Ấn Độ-Thái Bình Dương dah rŏng n'hanh pơk hvi geh nkô̆ dŭt têh kuâng. Lah mô hăn ndrel đah ăp dak êng ƀa ƀă ri mô geh nău dơi tâm boh 4 dak Mỹ, Nhật, Australia n'hanh Ấn Độ. Tâm nchră gưl têh rơh dja mbra rgum tâm ăp nkô̆ nău khlay kơt: nô nău tâm lơh Nga-Ukraine, nkô̆ nău tâm boh rƀŏng tât nkual Ấn Độ-Thái Bình Dương dah rŏng n'hanh pơk hvi, trong nkra tâm boh ta âk trong kan lĕ ma wăng sa./.

Nuĭh rblang: Điểu Thân