VOV4.M’nông-Tâm rnôk rmôt kan ndrel âk dak châu âu EU dôl mĭn uănh rnoh rmal tal 6 rdâng tay đah Nga geh nđâp du đê̆ trong kan mô an nchoăn rdeng tơm pring rĭ âk ăp nuĭh kan têh bâh EU tâm ban klơt ntŭk tâm rgop prăk kaih lam ntur neh IMF mbơh njrăng,  châu âu mbra tâm rdâng đah ăp nău tât n’gâng kan wăng sa n’hanh mô tŏng ŭnh nar dŭt hô lah mô tŏng ndơ su bâh Nga. Groi kruanh Ủy ban châu âu mbơh njrăng lor, nău mô geh ndơ su bâh Nga mbra jêng tât mô tŏng ŭnh nar dŭt hô ta du đê̆ ngih dak kan ndrel tâm EU. Tâm rnôk nĕ, Giám đốc mât uănh nkual châu âu bâh IMF an lah đŏng, lah mô geh ndơ su bâh Nga mbra geh nău tât dŭt mô ueh tât nău wăng sa châu âu. Păng lah tay na nê̆, ăp rnoh ndơ ndơn an n’hanh ntêm nkrem geh mât tâm 6 khay bôk năp, yơn lah nău aơ jŏ jong tâm khay puh nđik n’hanh jŏ lơn, mô ueh tât nău wăng sa mbra geh nău tât dŭt hô.

Nuĭh rblang: Thị Đoắt