VOV4.M’nông- Nar 29/5, nuĭh leo kan Triều Tiên Kim Jong Un lĕ leo du rơh rƀŭn nchră đah ăp nuĭh kan gâl têh bôk năp ngih dak aơ, gay ma uănh năl mpeh rơh ntoh ntưp nuh srê Covid-19 bôk năp ta dak aơ. Tĭng ăp ntŭk kan mbơh nău mhe ngih dak Triều Tiên, rơh rƀŭn nchră lĕ geh uănh năl na nê̆ mpeh nău nuh srê dôl geh mbơh njrăng n’hanh mât săm ta lam dak, tâm nchră mpeh ăp trong kan njrăng nuh srê mbro, mât nău mât njrăng ueh, đăp mpăn. Tâm 24 mông ba năp, Triều Tiên lĕ kơp dơn bơi tât 90 rbăn nuĭh geh nău duh, kop hŭch klâp ma 20 rbăn nuĭh đah 1 nar ba năp. Tĭng nău mbơh bâh ntŭk kan mbơh nău mhe KCNA, lĕ rnoh nuĭh kop duh geh mbơh ta dak aơ bâh dŭt khay 4 tât aƀaơ lah 3,36 rkeh nuĭh, tâm nĕ geh 3,15 rkeh nuĭh lĕ bah n’hanh klâp ma 203 rbăn nuĭh dôl geh gŭ săm.


Nuĭh rblang: Thị Đoắt