VOV4.M'nông: Văn phòng chính phủ Mỹ mbơh nuĭh nsŏng kơl rnă njrăng neh dak Mỹ Jake Sullivan hŏ mâp Bộ trưởng Ngoại giao Trung Quốc Vương Nghị ta Luxembourg nar 13/06. Tĭng nău lư bah Văn phòng Chính phủ Mỹ, bar ding hŏ geh rơh tâm nchră ngăn ngăn mpeh du đêt nkô̆ nău rnă njrăng tâm nkual n'hanh lam ntŭr neh lĕ ma ăp nkô̆ nău khlay tâm boh Mỹ- Triều Tiên. Nuĭh nsŏng kơl trong kan rnă njrăng neh dak Mỹ Jake Sullivan hŏ kuăl jă Mỹ n'hanh Trung Quốc pơk tay ăp trong tâm ôp gay mât ŭanh nău tâm rlong đah bar dak. Tĭng du hê kruanh Mỹ, rơh mâp rgum tâm nău hŭch bah rmoh rman tâm boh đah bar dak du trong kloh rvah n'hanh geh nău dơn kan. Tĭng kruanh nhih pah kan dja đŏng, wa Sullivan hŏ mpơl nău rvê mpeh nău n'glêh an bah Trung Quốc ndrel đah Nga dun nghị quyết nduih lah ăp rơh rlong grăp ŭnh bôk ndrak mhe aơ bah Triều Tiên.

Nuĭh rblang: Điểu Thân