VOV4.M’nông: Ôi lơ 10/43, nŭih ŭch geh săch lăp kan bah Yoon Suk-yeol bah Đảng n’hâm dăng neh dak (PPP) nŏng êng tơm ta Hàn Quốc hŏ geh nau dơi tâm nau săch Tổng thống tal 20 tâm dak aơ. Păng mhe geh rơh rƀŭn ta ntŭk kan Quốc hội, ton lah geh nau dơi ndrel kuăl jă nau tâm rnglăp bah neh dak. Đah 99,8% rnoh phiếu geh kơp, wa Yoon Suk-yeol geh nau dơi nsĭt 48,6% rnoh phiếu kơl an rđil rnoh 47,8% bah wa Lee Jea-myung tâm đảng ƀon lan ƀư tơm (DP) mât kan. Tâm rnôk răk nau rhơn geh nau dơi, wa Yoon Suk-yeol ton mra ryơk Hiến pháp ndrel Quốc hội, nkre mbơh mra pah kan đah ăp đảng mpeh chính trị gay ma ƀư ueh jâng văng sa tơm tâm Hàn Quốc ndrel ntrŭt dăng tâm rnglăp tâm kơl. Jêh rnôk Hàn Quốc hội geh joi Tổng thống mhe, Chính Mỹ-dak kan nsum mrô 1 bah Hàn Quốc mra tât rhơn ngăch. Tổng thống Mỹ Joe Biden ŭch geh pah kan đah Tổng thống mhe bah Hàn Quốc gay ma pơk hvi lơn tay nau tâm boh rjăp ngăn đah 2 neh dak./.

Nŭih rblang: H’Thi