VOV4.M'nông: Saudi Arabia n'hanh ăp dak  lăp kan nsum êng ƀa ƀă bah OPEC mbra n'hao rnoh âk nkret njêng pring gay trok lăp tâm ntŭk hŭt rnoh pring bah Nga. Aơ lah du nău kan gay hŭch bah ir hao khlay ndơ lam ntŭr neh. Ăp tơm nău lư an gĭt Ăp mpôl kan tăch n'gluh pring n'hanh ăp dak tâm boh (OPEC+) mbra nsrôih trok an ntŭk hŭt rnoh âk pring bah Nga n'hanh rnoh pring bah Nga hŏ hŭch nklăp 1 rkeh thŭng ăp nar tă bah ăp nău ntrŭnh rmal bah phương Tây đah Nga. Nga mbra tâm ban ŭch gay ăp dak nkret njêng pring n'hao rnoh âk gay trok tâm ntŭk hŭt yơn mô kâp trok tŏng tât rnoh hŭt mô tŏng. Tĭng nê, (OPEC+) mhe tâm ban ŭch n'hao rnoh âk nkret njêng pring kât hao tât 648.000 thŭng/nar tâm khay 7 n'hanh 8. Rnoh dja âk rlău rđĭl đah rnoh hao ăp khay nchrăp bah năp nê nơh lah 432.000 thŭng/nar./.

Nuĭh rblang: Điểu Thân