VOV4.M’nông - Nar nđaơ (23/3), Pakistan kuăl đă rlu pănh ta Ucraina n’hanh đă ăp dak Islam n’hanh Trung Quốc ƀư ta n’gul nău tâm lơh ta Ucraina. Ntoh ngơi tâm rơh rƀŭn mbơh jêh n’ghôch dŭt rƀŭn nchră nău bah Rmôt Kan ndrel Islam (OIC) ƀư ta thủ đô Isslamabas bah Pakistan, Kruanh nchră nău Pakistan Shah Mehmood Qurreshi an gĭt, Rƀŭn nchră lah rjăp nău khlay an nking n’gang khĭt tâm rơh tâm lơh kơt an ndâk njêng ăp trong kơl nuĭh gay đăp mpăn nău trơn đăp mpăn bah nuĭh ƀon lan n’hanh ntŭk an kơl nuĭh. Pơng mĭn lah ăp dak OIC nchrăp “kơl n’hanh nta nơih” an tâm nchră đah Nga n’hanh Ucraina.

          Nuĭh rblang: Y Sưng Phê Ja