VOV4.M’nông – Pháp n’hanh Indonesia lơ 10/2 lĕ ký ton rwăt tăch 6 bôk ndeh păr tâm lơh Rafale tâm sam ƀŭt nchrăm ndơ geh dĭng lĕ 42 bôk ma Indonesia njuăl tât bah tập đoàn Dussault bah Pháp. Ntoh ngơi ta nar ký, Kruanh n’gâng kan mât njrăng bri dak Indonesia an gĭt Indonesia ŭch nchăm rwăt 42 bôk ndeh păr tâm lơh mhe Rafale bah Pháp, tâm nĕ tâm ton rwăt 6 bôk ndeh păr Rafale bôk năp khlay bơi 600 rkeh đôlar lĕ dơi ký. Tâm ton rwăt ndeh păr Rafale dơi ký tĭng trong “chia khoă an ty”. Mpeh Pháp mbra ntop kơl rmôt không quân Indonesia tiăr nti rmôt mpăr, ntop kơl ndơ sông sa an ăp ntŭk không quân Indonesia kơt ndâk ƀư du ntŭk ntĭm nti. Indonesia jêng dak mhe ngăn nchăm rwăt n’hanh dŏng ndeh păr tâm lơh Rafale mhe ngăn bah Pháp ndrel đah Ai Cập, Ấn Độ, Qatar, Ăp Tiểu vương quốc A rập thống nhất, Hy Lạp n’hanh Croatia.

Nuĭh rblang: Y Sưng Phê Ja