VOV4.M'nông: Nar ntri (18/5), Pháp hŏ kuăl jă ăp ding Libya uănh khlay ăp nău tâm ton n'hanh rlu bah tâm lơh tâm su rnôk geh tât lơh ta thủ đô Tripoli. Bộ Ngoại giao Pháp hŏ kuăl jă ăp ding ta Libya nkân nkân bah tâm lơh n'hanh uănh khlay nău tâm ton rlu pănh, nkre râng tâm du rơh tâm dâl nău na nê̆ đah du nău ŭch joi geh du trong nkra chính trị tâm di, jêng tât nău ƀư ăp rơh bầu cử Tổng thống n'hanh Quốc hội geh nău tâm ban ta lĕ rngôch ăp nkual bah neh dak, tâm di đah nghị quyết bah Hội đồng Bảo an Liên hợp quốc n'hanh nău ŭch rŏng bah ƀon lan Libya. Nău mbơh bah Pháp dơi ndơ̆ luh du nar lôch rơh geh tâm lơh ta Tripoli, tâm rnôk Thủ tướng dơi Quốc hội Libya ntop n'hao Fathi Bashagha n'hanh du đêt Bộ trưởng tâm chính phủ bah păng lăp tâm thủ đô gay tĭng ƀư  nău kan bah chính phủ./.

Nuĭh rblang: Điểu Thân