VOV4.M'nông: Pháp mbra ƀư lĕ rngôch gay nsĭt đăp mpăn tay an Ukraina. Aơ lah nău mbơh bah Ngoại trưởng mhe dak Pháp, wa bu ur Catherine Colonna tâm rnôk hăn khâl Ukraina nar ntri (30/5). Tâm rnôk hăn khâl ndal tât Ukraina, Ngoại trưởng mhe dak Pháp wa bu ur Catherine Colonna hŏ geh ăp rơh mâp đah nuĭh ndrel gưl kan Dmytro Kuleba n'hanh Tổng thống Volodymyr Zelensky ta thủ đô Kiev. Lah ta rơh hop báo nsum bah kơi nê đah nuĭh ndrel gưl kan Ukraina, Ngoại trưởng Pháp lah rjăp, Pháp mbra ƀư lĕ ntil nău dơi gay nsĭt đăp mpăn tay an Ukraina. Wa Catherine Colonna lah rjăp đŏng, Pháp mbra kơl tay ndrak nsiu n'hanh kơl nuĭh an Ukraina đah lĕ rngôch rnoh khlay hao tât 2 rmen đôlar tâm ăp nar n'hanh ăp pơh tât./.

Nuĭh rblang: Điểu Thân