VOV4.M’nông – Tổng thống Pháp Emanuel Macron mhe geh nău ntoh ngơi bah năp nuĭh ƀon lan Pháp mpeh nău tâm lơh ta Ucraine. Tổng thống Pháp lah rjăp nău tâm lơh ta Ucraine geh njoat hăn rgâl mhe bah rơh mhe n’hanh đah lịch sử châu Âu. Wa Macron an gĭt kơl lor bah Pháp n’hanh châu Âu lôch nău tâm lơh ta Ucraine bah dâl. Gay geh nău rƀŏng bah lơ, Pháp kơl ăp trong rmal wăng sa n’hanh prăk kaih, ăp ntil ngân hàng têh bah Nga luh trong trok prăk lam ntŭr neh (SWIFT). Tổng thống Pháp mĭn lah tay mô njuăl tahen tât Ukraine yơn mbra ndrel NATO n’hao njrăng rdâng, mât njrăng ăp dak kan ndrel ta mpeh bah lơ nhâp nar châu Âu. Nkre nsrôih mât tâm ôp tâm ngơi đah Tổng thống Nga gay tâm lơh mô rêng hvi.

Nŭih blang: Y Sưng Phê Ja