VOV4.M’nông - Pháp mbra ntrŭt ngăch ăp rơh mâp tâm rnglăp nchră nău đah Ngam tâm đêt nar tât gay đă n’hŭch duh jêr tâm rnôk nu nău duh hao jêh ăp nău mbơh bah Mỹ n’hanh NATO mpeh nău đă tahen n’hanh ndrăk nsiu tât ăp dak tâm NATO mpeh bah lơ êp n’har bri đah Nga. Đặc phái viên tâm rnglăp nchră nău bah Pháp mât uănh ăp nău mpeh Nga, Pierre Vimont, lĕ tât thủ đô Mátx-cơ-va, lor rnôk du rơh rƀŭn tĭng trong năl Normandie (geh 4 ding lah Pháp, Đức, Ukraina n’hanh Nga) ta gưl ntơm kơl tâm rnglăp nchră nău mbra dơi ƀư tâm nar aơ 26/1 ta Paris. Lơn lơn, Tổng thống Pháp Emmanuel Macron mbra kuăl tâm nchră đah nuĭh tâm ban gưl kan Nga Vladimir Putin tâm đêt nar tât gay ndơ̆ “trong n’hŭch duh jêr”.

Nŭih blang: Y Sưng Phê Ja