VOV4.M’nông- Du pơh lôch rơh săch kruanh rơh 1, ăp cử tri Pháp nar 19/6, geh hăn nklăch phiếu tay rơh 2 ntrŭnh gay ma geh săch 577 nghị sĩ Quốc hội Pháp khóa mhe. Ta rơh 2 ăp ứng cử viên bâh rmôt kan du ding n’hanh ăp ứng cử viên bâh rmôt kan ndrel nsum soan mbra tâm rdâng ta 278 ntŭk kan săch kruanh bâh ăp rơh tâm rlong aơ mbra geh ntrŭnh tât nău gĭt geh du ding âk lơn. Tĭng ăp rnoh mbrô yor ăp ntŭk kan ôp khâl uănh nău lư ta Pháp mbơh, rnoh ƀon lan Pháp mô tât râng rơh 2, rơh săch kranh mbra geh ta rnoh âk, bâh 53 tât 56%. Tĭng nău uănh năl bâh lĕ rngôch ăp rơh ôp nău lư, bol ma tâm ban mô lah mô tâm ban đah mpeh du ding mpeh rnoh phiếu geh kơp yơn rmôt kan nsum soan bâh wa Macron hôm nha geh nchroh mbra geh âk nău kan ta Quốc hội Pháp, bâh 265 tât 305 nău kan.

Nuĭh rblang: Thị Đoắt