VOV4.M’nông – Tâm ntŭk kan Phlippines aƀaơ dôl hao duh rnôk chôt srê rgŏ jă tâm rlong gay joi nuĭh ndơn Tổng thống Rodrigo Duterte lĕ na nê̆ ntơm ƀư n’hanh mbra jŏ tâm 3 khay đah rnôk chôt srê Covid-19 hôm e dôl ntoh. 3 khay rgŏ jă tâm rlong Tổng thống Philippines lĕ ntơm ƀư đah sam ƀŭt mô jong rlău 13 plơk gay đăp mpăn rơh săch ƀư uĕh n’hanh đăp mpăn tâm nar 9/5 tât aơ tay, lơn lah tâm rnôk chôt srê Covid-19. Săk rnglăy uănh bôk năp an saơ 2 săk bah wa Ferdinand “Bongbong” Marcos Jr, kon bu klô Tổng thống ơm Marcos n’hanh wa Sara Duterte, kon bu ur wa Duterte dơi geh âk nău dăng. Groi Tổng thống Leni Robredo, nuĭh tâm rlong bah kôp 2 Marcos Jr. n’hanh Duterte, nuĭh bu ur bôk năp tâm rơh tâm rlong, dâk tal 2 ta rnoh ƀah dŭt ngai. Jêh nĕ tay lah Nkual nkual ƀon têh Manila Isko Moreno Domagoso n’hanh nuĭh ntoh lư quyền anh Manny Pacquiao. Philippines knŭng kơt dŏng du rwăch nklăch phiếu n’hanh nuĭh dăng rnoh phiếu âk ngăn mbra jêng tổng thống.

Nŭih blang: Y Sưng Phê Ja