VOV4.M'nông: Râng rgum nchră Bộ trưởng mpeh tâm boh tâm nkual Ấn Độ Dương-Thái Bình Dương ƀư ta Pháp, Ngoại trưởng Philippines hŏ lah rjăp nău khlay kan bah Liên minh Châu Âu (EU) n'hanh ASEAN tâm nău mât rnă njrăng n'hanh đăp mpăn ta nkual. Ta rơh rgum nchră, Ngoại trưởng Philippines năl lah, rgum nchră gưl Bộ trưởng rơh dja n'hanh nău njêng luh bah trong tâm boh têh jong ta Ấn Độ Dương-Thái Bình Dương bah Liên minh Châu Âu (EU) mpơl nău khlay bah trong kan âk ding ma ta nê "nău khlay ƀư rgum tơm” bah ASEAN lah n'gâng khlay. Đah nău ƀư lah dak tâm pă kan mpeh tâm boh ASEAN-EU, Philippines ton ntrŭt ntrôl ăp nău geh nsum tâm nkual lĕ ma tâm boh nchuăn rdeng dak lêng, buăt nthoi, ăp rnoh tât hun hao nâp dăng (SDGs), dâk kan rgâl duh nđik trôk nar n'hanh tâm boh wăng sa. Bar ding ndrel rƀŏng tât du Trong nchrăp kan mhe an lvang năm 2023-2027 gay "rdâng njêng nău rêh let năp uĕh lơn" n'hanh rdâk ƀư tay đŏng ăp trong kan an ƀư lor đah nău ƀư lah băl tâm boh têh jong./.

Nuĭh rblang: Điểu Thân