VOV4.M'nông: Ngoại trưởng Philippines, Teodoro Locsin hŏ tât Campuchia, râng tâm nchră huêt Bộ trưởng Ngoại giao ASEAN n'hanh ăp tâm nchră geh tât ntơm bah nar 16-17/2. Wa Teodoro Locsin mbra geh nău lah mpeh nău mĭn bah Philippines mpeh ăp nkô̆ nău tơm kơt dak lêng, rơh duh jêr chính trị ta Myanmar n'hanh nău dâk hao tay wăng sa bah nkual lôch bah kơi nuh srê. Nău mbơh báo chí bah Bộ Ngoại giao Philippines lah rjăp đŏng, nău ƀư tơm Campuchia, dak pleh ƀư kruanh ASEAN 2022, ăp Bộ trưởng Ngoại giao tâm nkual nchrăp ƀư tâm nchră mpeh ăp nkô̆ nău an ƀư lor bah ASEAN tâm năm, tâm boh dak bah dih ASEAN, ăp nkô̆ nău tâm nkual n'hanh dak bah dih êng ƀa ƀă. Rlău ma Philippines, ăp dak Việt Nam, Indonesia, Malaysia, Lào, Singapore mbra hăn tât râng tâm nchră na nê̆ đŏng./.

Nuĭh rblang: Điểu Thân