VOV4.M’nông: Nar naơ, Philipines ntơm chuh vắc xin njrăng srê Covid-19 ntop tay tal bar âk nŭih mô dăng geh châl ma srê. Ntŭk rđau nau chuh n’gang neh dak Philipines mbơh, dak aơ ndơ̆ nkô̆ nau n’hao rơh tal bar âk nklăp 690 rbăn nŭih mô dăng châl ma srê, geh ăp nau ji tâm săk. Êng ăp nŭih mô dăng châl ma srê, Ntŭk kan mât ndơ sa ndrel dak si bah Philipines pơh bah năp hŏ pă săm ƀŭt ân geh chuh nkah tay tal bar ân nŭih bu ranh ndrel nŭih nai dak si. Yơn lah, Kruanh n’gâng kan dak si Philipines mbơh, tât rnôk aơ mhe knŭng geh ndơn chuh n’hao ntop tay ân nŭih ji nsum. Chuh ntop tal tal bar geh ƀư đê̆ ngăn 3 khay jêh rnôk chuh nglai bôk năp. Phlipines dŏng vắc xin Covid-19 AstraZeneca, Moderna, Pfizer, Sinopharm ndrel Sinovac Covid-19 ân chuh tal bar./.

Nŭih rblang: H’Thi