VOV4.M'nông: Rơh tâm lơh ta Ukraina dŭt bah tât rnôk ƀư tâm dâl nău dơm. Mỹ n'hanh ăp dak băl phương Tây hŏ lah kơt nê tâm rnôk tâm lơh đah Nga- Ukraina nha mô hŏ dơi rngơt bah. Tổng thống Pháp Emmanuel Macron mhe aơ kuăl jă Ukraina plơ̆ tâm nchră tay đah Nga, nkre lah rjăp Liên minh châu Âu mbra ƀư ndranh nkra bah nău tâm rkeh dja. Thủ tướng Đức Olaf Scholz ndrel nar dơn ngăn đŏng, ân tâm dâl nău na nê̆ đah Tổng thống Vladimir Putin lah nău khlay gay dŭt bah duh jêr kơt aƀaơ. Bơi 5 khay kơp ntơm bah rnôk ntoh tâm lơh ta Ukraina dôl jêng rơh tâm lơh roh huach dŭt âk bah bar ding, ma hôm ntul rlong đah nău dơi ât rdâng bah ăp jâng wăng sa đŏng./.

 Nuĭh rblang: Điểu Thân