VOV4.M’nông: Bol ma ntoh nau kan Nga ton lah rhuăt tahen luh bah nkuăl n’har bri Nga-Ukraine lah nau ueh nkah tât nau n’huch oi duh jêr yơn ăp dak Châu Âu hôm njrăng, bol ma nau hao duh nau tâm lơh prêh ơm. Tâm rơh tâm nchră, 2 rđau kan dak Pháp-Mỹ lah rjăp, nau mbơh mpeh kan Nga rhuăt tahen ân geh uănh njrăng ngăn. Ntŭk kan Tổng thống Pháp kŏ mbơh nau lah, kan Nga rhuăt tahen lah du nau geh bonh đă ueh bôk năp, yơn nau rnôk aơ ê geh nâp. Tâm rnôk nê, ntoh nau bah năp Quốc hội Pháp kêng măng 15/2, Kruanh n’gâng kan Pháp Jean Yves Le Drian đă mpeh Nga ân m’hao nau kan hăn nsum ma nau ngơi ndrel ân lah, Nga ân geh âk nau kan lơn gay ma ƀư nau bah oi duh janh. Yơn lah, lơh mplơng ăp nau nduih lah tă bah ăp dak Phương Tây, Chính phủ Nga âk tơ̆ lah rjăp, Nga hŏ rhuăt tahen tâm di nau nchrăp tă mbơh bah năp nê./.

Nŭih rblang: H’Thi