VOV4.M'nông: Lôch rnôk geh nău dơi ăp bôk nău kan chuh n'gang vaccine njrăng n'gang COVID-19, ăp dak Đông Nam Á dôl pơk tay mpông wơt năch pâl nđaih an trong tor lor tĭng kơn. Ăp trong n'har bri ntơm pơk tay, âk dak geh nsum nău ŭch dâk hao tay pâl nđaih bên di đăp mpăn, hun hao nâp dăng jŏ jong. Tĭng Hội đồng Lữ hành n'hanh Pâl nđaih lam ntŭr neh, jâng wăng sa nkual Đông Nam Á nsing tâm pâl nđaih âk lơn ăp nkual êng lam ntŭr neh. Năm 2022 dôl mpŏng mbra lah năm ma n'gâng kan pâl nđaih nkual dja ntơm săk ntơr tay. Nuĭh rnâng kan an lah, nău rdâk tay ăp trong kan geh tât n'gâng kan pâl nđaih ân n'hao dăng kan nsum n'hanh buăt nthoi gay nta trong dơh an n'gâng kan pâl nđaih ơm plơ̆ tay n'hanh nsan dâk hao tay kơt rnôk mô hŏ ntoh luh nuh srê./.

Nuĭh rblang: Điểu Thân