VOV4.M’nông - Ôi 13/6, Quốc hội Lào khóa 9 lĕ ntơm ƀư rơh rƀŭn tal 3. Ntoh ngơi ta ntơm ƀư, Kruanh Quốc hội Lào Saysomphone Phomvihane lah rjăp, rơh rƀŭn aơ, ăp nuĭh ntoh măt Quốc hội mbra djăt, tâm nchră n’hanh mbơh an ăp nău khlay bah neh dak geh nău mbơh bah Thủ tướng Chính phủ mpeh ƀư tĭng trong nchrăp hun hao wăng sa rêh jêng, trong nchrăp tơm prăk ngih dak, trong nchrăp prăk kaih 6 khay bôk năm n’hanh 6 khay dŭt năm 2022...; nău mbơh bah Chính phủ mpeh ngăch ƀư tĭng 02 bôk nău kan nuĭh kan ngih dak mpeh mkra ăp nău jêr jŏt wăng sa-prăk kaih n’hanh ma túy. Bah meng nĕ, Quốc hội Lào mbra uănh mĭn tay, mbơh an 3 dự thảo luật mhe n’hanh nkra rgâl 9 dự thảo Luật nkra rgâl. Ăp dự thảo mhe mbra dơi mbơh rơh aơ geh Luật Mỹ thuật; Luât đăp mpăn jay gŭ, Luật mât uănh ndrăk nsiu phao blêu n’hanh nsiu rtoh.

Nuĭh rblang: Y Sưng Phê Ja