VOV4.M’nông- Quốc hội Philippines lĕ kơp dơn wa Phéc-đi-nan Ma-cốt (Ferdinand Marcos Jr) geh nău dơi ta rơh săch Tổng thống rnôk bôk khay 5. Ta rơh rƀŭn nchră lĕ rngôch bâh Hạ viện Philipines, kruanh Hạ viện Lord Allan Velasco mbơh   Ferdinand Marcos Jr geh săch ƀư kan, jêng Tổng thống tal 17 geh săch tâm di bâh ngih dak aơ. Tĭng nău mbơh bâh Quốc hội Philipines, wa Marcos Jr, 64 năm deh, geh rlău 31,6 rkeh phiếu săch, tâm ban đah rnoh 58,8% phiếu kơl an, rlău đah nuĭh tâm rlong  dâk tal bar lah wa Leni Robredo đah rlău 15 rkeh phiếu săch. Đah nău kơp dơn aơ, wa Marcos, 64 năm deh, mbra geh dơn nău kan ƀư Tổng thống ta nar 30/6 tay bâh wa Rodrigo Duterte n’hanh mbra leo neh dak Philipines tât năm 2028. Tâm rnôk, wa Sara DuterteCarpio-kon bu ur wa Duterte-mbra lah groi Tổng thống Philipines.

Nuĭh rblang: Thị Đoắt