VOV4.M’nông – Nar 17/2, ntoh ngơi ntơm ƀư Rƀŭn nchră Rmôt 20 jâng wăng sa hun hao n’hanh mhe hao têh bôk năp (G20), Tổng thống Indonesia Joko Widodo lah rjăp, aƀaơ mô di rnôk ƀư jêng duh jêr kơt nu nău dôl geh ta Ukraine. Rƀŭn nchră gưl prêh G20 rơh aơ yor Indonesia ƀĭt joet ƀư, tâm rnôk chôt srê Covid-19 hôm e ntoh âk ta âk dak n’hanh duh jêr Ukraine đah Nga n’hanh Mỹ đah NATO hao tay. Tâm nău ntoh ngơi, Tổng thống Indonesia kuăl jă kan ndrel đah ăp dak gay ntrôl rdâk hao wăng sa lam ntŭr neh. Kruanh N’gâng kan prăk kaih Indonesia an gĭt đŏng, ăp rơh rƀŭn mbra rgum tâm nchră mpeh nău rhoăt rŭch đah nău kơl prăk kaih, ntoh hao mhe lam ntŭr neh âk, tâm pă vaccine n’hanh ntop kơl an bôk nău kan nuĭh kan mpeh trôk nar, kơt ăp nău êng.

Nŭih blang: Y Sưng Phê Ja