VOV4.M’nông – Bah nar 3-4/7, Groi Thủ tướng, Kruanh N’gâng kan tâm rnglăp nchră nău Thái Lan Don Pramudwina mbra khâl Myanmar n’hanh râng Rƀŭn nchră Kruanh N’gâng kan tâm rnglăp nchră nău Mê Công-Lan Thương (MLC) rơh tal 7. Tĭng N’gang kan tâm rnglăp nchră nău Thái Lan, Rƀŭn nchră Kruanh N’gâng kan nchră nău MLC rơh tal 7 mbra tâm nchră mpeh nu nău n’hanh trong kan ndrel tâm năm tât, ngăn lah ăp trong mkra nâp nâl tâm boh oh nô, rdâng đah srê Covid-19 n’hanh rdâk hao wăng sa jêh srê tă bah ntrôl tăch rgâl n’hanh ntuh kơl đah ăp dak kan ndrel. Rlău ma nĕ, Rƀŭn nchră mbra tâm nchră mpeh trong kan ndrel mkra ăp nău ntŭl rlong aƀaơ kơt duh jêr rnă njrăng ŭnh nar n’hanh ndơ sông sa, rgâl trôk nar, mât uănh n’hanh dŏng tu dak Mê Công.

Nŭih blang: Y Sưng Phê Ja