VOV4.M'nông: Nar 20/4, Rgum nchră ăp năm Châu Á Bác Ngao 2022 ntơm pơk ngăn ta n'gor Hải Nam, Trung Quốc đah nkô̆ “Nuh srê n'hanh lam ntŭr neh: Nsum ti ntrŭt ntrôl hun hao lam ntŭr neh, rdâk njêng trong rêh nsum". Nar dja ƀư jŏ tâm 3 nar, đah rlău 30 tâm nchră ntop êng bah dih n'hanh ăp nău kan, geh tât ăp nkô̆ nău dơi nsum mpôl lam ntŭr neh dŭt uănh khlay aƀaơ lah dâk hao tay wăng sa lam ntŭr neh n'hanh hun hao jŏ jong lôch bah kơi nuh srê, nkre ƀư tâm nchră n'hanh tâm nđŭr đŏng. Râng rgum nchră rơh dja geh rlău 300 năch jă lah kruanh rđău kan ăp kan, nuĭh kan chính trị ntoh lư, nuĭh mât bôk ăp mpôl kan dak bah dih, ăp nuĭh rnâng kan học giả, ăp doanh nghiệp tĭng trong ƀư mâp na nê̆ n'hanh pơk sŏng dăng. Rgum nchră geh nău têh n'hanh ring tam nar lơn ma hao, mât uĕh nău tam mha êng tâm nău rgum ăp nău rgop nsum, hăn jru tâm boh nkual, ntrŭt ntrôl hun hao, nkra ăp nkô̆ nău lam ntŭr neh lah nsum n'hanh nkual châu Á lah êng./.

Nuĭh rblang: Điểu Thân