VOV4.M’nông: Kruanh n’gâng kan nchră nau Trung Quốc hŏ rhơn Tổng thống mhe geh săch kan Hàn Quốc Yun Súc Yê-ôn, lah rjăp Trung Quốc ŭch ntrŭt dăng nau tâm biah “ueh lăng ndrel đăp mpăn” đah 2 dak tâm nâm nau ƀư kan mhe. Nŭih ntoh ngơi N’gâng kan nchră nau Trung Quốc Triệu Lập Kiên lah rjăp: Trung Quốc ndrel Hàn Quốc lah dak mô dơi geh nkhah ndrel tâm boh nau kan khlay. Trung Quốc mra tâm boh đah Hàn Quốc gay ntrŭt dăng nau tâm boh bar dinh đăp mpăn ndrel nâp nâl, leo nsĭt nau geh jêng ân ƀon lan bar dak. Tâm nau ntoh ngơi, Tổng thống mhe ndơn kan Hàn Quốc lah rjăp nau ntrŭnh ndâk njêng nau tâm boh bar ding lah “tâm ryơk nsum” đah Trung Quốc, tâm rnôk kí ton nau ntrŭt dăng “nau tâm boh kan nsum rƀŏng tât nau mhe” đah Nhật Bản. Đah Triều Tiên, Tổng thống mhe lăp kan Hàn Quốc lah rjăp dôl kâp nau tâm nchră, ndrel ma nau kan ndâk njêng nau njrăng rdâng ân rjăp ân neh dak. Nchrăp nau ndơn nau kan bah Tổng thống mhe Yun Súc Yê-ôn mra ƀư tâm lơ 10/5 tât./.

Nŭih rblang: H’Thi