VOV4.M’nông - Ủy ban mât uănh săch nuĭh kan Trung ương Hàn Quốc an gĭt dĭng lĕ nuĭh ƀon lan mbra râng nklăch phiếu tâm rơh săch Tổng thống Hàn Quốc tal 20 ƀư lơ 9/3 tât lah bơi 44 rkeh 200 rbăn nuĭh ƀon lan (44.197.692), tâm nĕ nklăp 44 rkeh 160 rbăn nuĭh ƀon lan tâm dak n’hanh 29 rbăn nuĭh ƀon lan ta dak bah dih. Rnoh nuĭh ƀon lan dơi săch lĕ hao nklăp 200 rbăn nuĭh nkôp đah rơh săch Quốc hội khóa 21 (XXI). Tâm rnôk nĕ, tĭng jêh srŏ ôp nău rgop bah Radio ntuh rup n’hanh ntuh nău ngơi Hàn Quốc (KBS) ƀư, 39,8% nuĭh ƀon lan ơh mbra nklăch phiếu an nuĭh dơi săch Tổng thống đảng djôt bôk Dân chủ hăn ndrel Lee Jae-Myung. Rnoh aơ tâm ban đah nuĭh dơi săch đảng đối lập Sức mạnh quốc dân Yoo Suk-yeol. Uănh lah mpeh ăp nuĭh dơi săch, âk nuĭh ƀon lan ơh wa Lee Jae-Myung âk lơn đah nău kan hao jêng wăng sa, rdâng đah chôt srê Covid-19.

Nuĭh rblang: Y Sưng Phê Ja