VOV4.Mnông- Tĭng rnoh kơp bâh Liên hợp quốc, rlău 5 rkeh nuĭh lĕ ntrơn du luh Ukraine kơp bâh rnôk ntoh geh nău tâm lơh ta khay 2. Rnoh nuĭh gŭ du ntơm hao tay rnôk ma ăp mpôl tahen Nga lĕ tât ta mpeh nhâp nar bâh Ukraine. Rlău du n’gul rnoh nuĭh gŭ du der Ukraine lĕ gŭ ta dak Ba Lan. Rhiăng rbăn nuĭh lĕ tât ta Rumani, Hungary, Mondova n’hanh rlău n’gul rkeh nuĭh Ukraine nchoăt ta Nga. Lĕ rnoh nuĭh gŭ du der aƀaơ lĕ rlău nău nchroh mbơh bôk năp bâh ăp ntŭk kan mbơh nău Mỹ, ơm geh nchrăp kanŭng geh 1 rkehj tât 5 rkeh nuĭh gŭ du der. Tổng thống Mỹ Joe Biden ton dơn 100 rbăn nuĭh gŭ du der Ukraine. Mỹ lĕ dăn đă ăp gâl kan geh nău mât njrăng na nê̆, an ăp nuĭh Ukraine gŭ đăp mpăn ta Mỹ.

Nuĭh rblang: Thị Đoắt