VOV4.M’nông- Nar 12/5, kruanh n’gâng kan rmôt ăp dak công nghiệp hun hao bôk năp ta lam ntur neh G7 lĕ rƀun nchră ta Đức gay ma tâm nchră mpeh nău tâm rkeh ta Ukraine n’hanh nău  mĭn rvê mpeh du rơh  uh ah mô tŏng ndơ sông sa lam ntur neh mbra dơi geh. Ngoăy tâm âk nău geh kruanh n’gâng kan nchră nău đah dak bah dih ăp dak G7 rgum doh rklaih aƀaơ lah nău nklơi jăng nău nchueng rvêl mô an tăch ngluh đah rkeh tấn ndơ sa dôl geh kŏ bên ta Ukraine yor nău tât bâh tâm lơh tâm su. Tĭng nău mbơh bâh kruanh n’gâng kan ăp dak G7 aƀaơ geh 25 rkeh tấn ndơ sa dôl mô dơi tăch ta ndrâm tăch rgâl Odesa. Ukraine. Nău ndơ sa mô dơi tăch rgâl lĕ geh âk nău mô tŏng ndơ sa đah rkeh nuĭh, ngăn lah ta nkual châu Phi n’hanh trung Đông- ăp ntŭk geh rvăt nglăp âk ndơ sa bâh Ukraine. Ndrel đah ŭnh nar, rnă njrăng ndơ sông sa lah ăp nău dŭt têh ma nuĭh ƀon lan ach o ta lam ntur neh mât uănh. Ăp dak ach o n’hanh ăp nuĭh ach o mbra geh nău khuch khat âk ngăn lah rnoh lơ ma hao khlăy kơt aơ.

Nuĭh rblang: Thị Đoắt