VOV4.M’nông: Rơh tâm nchră gưl prêh rđau kan rmôt kan gưl prêh rƀŭn tâm nchră mpeh nau kan đăp mpăn puăn ding (geh Mỹ, Ấn Độ, Nhật Bản ndrel Australia) geh ƀư ta Tokyo, uănh ăp nau ƀư nau kan rƀŭn nchră yor rmôt kan ndơ̆ luh ndrel tâm nchră mpeh ăp nau hun hao tâm nkuăl Ấn Độ Dương - Thái Bình Dương. Aơ lah nau ton lah bah Thủ tướng Ấn Narendra Modi ndơ̆ luh lơ (22/5), một bah năp rơh hăn khâl Nhật Bản ndel râng rơh rƀŭn bah rmôt. Tâm nau ton lah nsum, Thủ tướng Mô-đi mbơh, păng mra geh ăp rơh tâm mâp bar ding đah Tổng thống Mỹ Giâu Bai-đừn (Joe Biden), Thủ tướng Nhật Bản Fumio Kishidah ndrel Thủ tướng mhe geh kan Australia Anthony Albanese. Rơh rƀŭn lah rơh gay tâm nchră nau mĭn mpeh ăp nau hun hao bah nkuăl Ấn Độ Dương - Thái Bình Dương kŏ kơt lah ăp nau kan lam ntur neh ndrel uănh khlay./.

Nŭih rblang: H’Thi