VOV4.M’nông: Kruanh n’gâng kan Mỹ, Israel ndrel 4 dak geh Ai cập, Ba-ranh, ăp tiểu vương quốc A-rập ndơn ngoai ndrel Ma-rốc mhe rƀŭn, gay ntrŭt dăng ân ueh lơn nau tâm boh âk ding, tâm nê geh nau kan bah nkuăl Trung Đông, tâm nê ngăn lah uănh kơl an tât nau kan bah Iran ndrel nau đăp mpăn ân nau tâm lơh ta Israel ndrel Palestin. Rơh rƀŭn nchră hŏ rgum tâm nchră tât nau kan geh tât Iran, ntơm bah nau kan ndrak nsiu, phao ŭnh bôk ndrak ân tât nau khuch bah Iran tâm nkuăl. Bol ma mô geh hăn tât nau dơi geh kloh ngăn, yơn lah nau rƀŭn nê lah rnôk gay ăp dak tâm gĭt rbăng lơn. Mỹ hŏ geh rnôk djăt ăp nau rgop bah Israel ndrel ăp dak A-rập mpeh nau kan geh tât du nau nchrăp nau kan ndrak nsiu “mô geh têh, rjăp” ma Mỹ ndrel ăp dak lam ntur neh dăch tât dơi geh đah Iran, du nau nchrăp bah bôk nau kan ndrak nsiu bôk ndrak ndrel mô dơi njrăng rdâng Iran kơl an ăp rmôt tahen ndâk lơn tâm nkuăl./.

Nŭih rblang: H’Thi