VOV4.M’nông- Indonesia mbra ndrel đah Mỹ, Đức, Senegal, Belize leo ƀư nsum rơh rƀŭn nchră gâl têh lam ntur neh mpeh Covid-19 tal 2. Tâm nău mbơh nsum nar 18/4, 5 dak aơ an gĭt rơh rƀŭn nchră gâl têh lam ntur neh mpeh Covid-19 tal 2 mbra geh ƀư tĭng trong trực tuyến ta nar 12/5 tay. Rơh rƀŭn nchră aơ mbra lah na nê̆ ta nău kơl an ăp trong kan mât njrăng Covid-19 bâh ăp dak kơt lah: N’hao nău chuh vacxin, xét nghiệm, mât săm, ngăn lah an nuĭh mbra geh nău ntưp Covid-19 âk, rgâl mhe nău dak si, pơk hvi trong kan mât rnoh dak si, bah ir geh nău mô tŏng n’hanh ăp ndơ dŏng khlăy, njêng rnoh tơm prăk nâp nâl an ăp trong kan dak si ơm geh n’hanh mbra tâm rdâng đah nuh srê tâm let năp tay.

Nuĭh rblang: Thị Đoắt