VOV4.M’nông: Ntơm lơ 14-16/6 ta New York, hŏ geh rơh rƀŭn tal 15 ăp dak kan nsum bah nau tâm ton nau dơi bah nŭih rven rvo đah nkô̆ “Ndâk du nau rêh jêng geh nsum ndrel nau râng bah ân an nŭih rven rvo tâm rnôk srê Covid-19 ndrel jêh aơ tay”. Ntoh nau tâm nar ntơm rƀŭn, Tổng thư ký Liên hợp quốc Antonio Guterres mbơh, nau tâm ton mpeh nau dơi bah nŭih rven rvo lah ngoai tâm ăp nau tâm ton bah lam ntur neh geh âk neh dak ân ƀư ngăn ndrel tâm rơh êp ngăn đah 182 nŭih ƀư kan nsum. Yơn lah, nau ƀư ndrel đăp mpăn nau dơi bah nŭih rven rvo hôm mâp âk nau ntul rlong, ngăn lah tâm rnôk srê Covid-19. Tổng thư ký Liên hợp quốc kuăl jă ntrŭt dăng jăp lơn tay nau tâm boh kan nsum ăp ntil gay ma mât đăp mpăn ueh lơn nau dơi bah nŭih rven rvo, nkre đă ăp dak ân geh nsing ndăn ngăn ăp nau kan mhe gay ma kơl an ân nŭih rven rvo geh tâm mâp ngơi, tâm nthoi n’hao lơn tay nau dơi mpeh văng sa ân nŭih rven rvo./.

Nŭih rblang: H’Thi