VOV4.M'nông: Lôch rnôk Mỹ mpăng ngăn rvăt n'glăp dak pring n'hanh dak ŭnh gay plơng lơh nău Nga pơk trong hăn lơn ma tahen tât Ukraina, Liên minh châu Âu n'hanh Anh mbơh trong nchrăp bah nsing tâm ŭnh nar bah Nga. Nău kan bah ăp dak phương Tây an saơ, rơh tâm ndăng lơh dak ŭnh đah Nga n'hanh ăp dak dja hŏ ntơm ngăn. Chính phủ Anh nar 8/3 mbơh dak dja mbra ƀư dŭt bah rvăt n'glăp ndơ nkret njêng pring xăng bah Nga tâm kêng dŭt năm aơ. Tâm rnôk Ủy ban châu Âu (EC) ndrel nar hŏ mbơh trong nchrăp koh n'hŭch 2/3 rnoh dak ŭnh ma Liên minh châu Âu rvăt n'glăp bah Nga tâm năm aơ đŏng n'hanh dŭt bah nsing tâm dak ŭnh bah Nga "bah năp năm 2030". Nga aƀaơ mô hŏ geh nău plơng ơh mpeh ăp nău kan dja, yơn bah năp nê, Groi Thủ tướng Nga Aleksandr Novak mbơh njrăng lor, du nău ntrŭnh mpăng đah pring xăng n'hanh dak ŭnh bah Nga mbra jêng tât khuch têh đah ntŭk tăch rgâl lam ntŭr neh, rnoh khlay pring mbra hao ndal tât rlău 300 đô la/thŭng./.

Nuĭh rblang: Điểu Thân