VOV4.M’nông: Chính phủ Australia hŏ ndơn nau đăp mpăn bah N’gâng kan bah gôl dak Xolomon lah, nkuăl gôl dak Thái Bình Dương mra mô ân Trung Quốc ndâk ntŭk gŭ tahen tâm neh dâk aơ. Kruanh N’gâng kan Australia tâm du nau ton lah mhe aơ mbơh dak aơ hŏ ndơn geh nau ton tă bah Thủ tướng gôl dak Solomon Ma-nas-seh So-ga-va-re đăp mpăn lah neh dak Thái Bình Dương aơ mô geh nau ŭch ân Trung Quốc ndâk ntŭk kan tahen tĭng nau mât đăp mpăn nchrăp geh bar ding kí ton. Ơh nau ôp bah ntŭk nkoch mbơh nau ABC bah Australia, Kruanh n’gâng kan Marisi Payne lah rjăp, đăp mpăn tă bah N’gâng kan Solomon lah nau khlay. Aơ lah nau tă geh bah nau tâm nchră batrr ding đah N’gâng kan gưl prêh bah bar ding, tâm nê geh Thủ tướng Scott Morrison ndrel Thủ tướng Sogavere./.

Nŭih rblang: H’Thi