VOV4.M'nông: Tahen New Zealand mbra đă 30 nuĭh rnâng kan hăn tât Anh gay tiăr nti tahen Ukraine dŏng ntil pháo jê̆ 105 ly. Tiăr nti ƀư jŏ tâm 2 khay. Ntŭk tiăr nti mbra dơi ƀư ta Anh n'hanh rmôt rnâng kan lor bôk năp mbra hăn ntơm bah pơh bah kơi tay. Bah meng nău đă ăp nuĭh rnâng kan tahen, tahen New Zealand mbra pă an 40 bil ntrŏng n'hanh ndrak nsiu dŏng an tiăr nti. Nchrăp, nklăp 230 tahen Ukraine mbra dơi ntĭm nti dŏng pháo L119 tâm rơh tiăr nti dja. Aơ lah nău kan dŭt mhe bah New Zealand gay kơl Ukraine, nkre mpet jâk đah trong hăn lơn ma tahen mha êng bah Nga dôl ƀư ta Ukraina.

 Nuĭh rblang: Điểu Thân