VOV4.M'nông: Ơh nău ôp phóng viên ta rơh họp báo way ăp khay tâm nar 16/2, Nuĭh ntơh ngơi Bộ Ngoại giao Trung Quốc Uông Văn Bân an gĭt, tâm boh tâm rnglăp n'hanh tâm boh Trung Quốc - Nga nsĭt geh an đăp mpăn n'hanh rnă njrăng lam ntŭr neh. Tĭng Nuĭh ntơh ngơi Bộ Ngoại giao Trung Quốc Uông Văn Bân, Trung Quốc n'hanh Nga hun hao tâm boh tâm kâng n'har jŏ jong n'hanh tâm boh ndrel nsĭt geh nsing kalơ mô tâm rgop, mô tâm rkeh n'hanh mô ntrŏng lơh tâm dak tâl 3. Aơ lah du ntil trong tâm boh dak bah dih mhe lĕ ma tâm boh bar ding ndrel nsĭt geh n'hanh rgop tâm nău đăp mpăn, hun hao dak bah dih n'hanh nkual. Nuĭh ntơh ngơi Bộ Ngoại giao Trung Quốc ndơ̆ luh nău lah dja rnôk geh nău lư an lah, Thủ tướng Australia Scott Morrison hŏ nduih lah nău mĭn bah Trung Quốc tâm nkô̆ nău Ukraine n'hanh kuăl jă Trung Quốc kơl nduih lah Nga./.

Nuĭh rblang: Điểu Thân