VOV4.M'nông: Tâm nchră Bộ trưởng bah Nhih pah kan tăch rgâl lam ntŭr neh (WTO) tâl 12 hŏ ntơm pơk tâm nar 12/6 ta nkual ƀon têh Geneva, Thụy Sĩ. Tâm nchră ƀư jŏ tâm 4 nar ntơm bah nar 12-15/6. Lah ta rnôk ntơm pơk tâm nchră, Tổng giám đốc Nhih pah kan tăch rgâl lam ntŭr neh wa Okonjo-Iweala lah rjăp: Ăp nău tâm ton hŏ dơi geh ta rnôk Tâm nchră mbra n'hao nău dơi kan bah lĕ rngôch ăp dak lăp kan nsum tâm nău tŏng đah mpŏng geh n'hanh nău ŭch rŏng bah nuĭh ƀon lan mpeh ndơ ngêt sa, n'hâm suan, rnă njrăng, nău kan n'hanh ntŭk gŭ rêh jŏ jong. Tĭng Tổng giám đốc Okonjo-Iweala, Nhih pah kan tăch rgâl lam ntŭr neh ân lah du gâl bah trong nkra âk rơh duh jêr lam ntŭr neh ma lam ntŭr neh dôl ât rdâng. Tâm nchră rgum tâm rkhăch mpeh tât khuch bah rơh tâm lơh Nga-Ukraina đah rnă njrăng ndơ ngêt sa đŏng./.

Nuĭh rblang: Điểu Thân