VOV4.M'nông: Ntơm bah nar 13-14/6, ta Praha, dak Cộng hòa Séc, Tâm nchră gưl têh mpeh Ấn Độ - Thái Bình Dương hŏ dơi ƀư khuh n'gôr rgum ăp mpôl kan châu Âu, ăp Bộ trưởng Bộ ngoại giao n'hanh ntơh măt ăp nhih pah kan tâm boh dak bah dih bah âk dak tâm Liên minh châu Âu, nkual Ấn Độ Dương-Thái Bình Dương, gay ndrel nchră mpeh trong hăn têh jong bah Liên minh châu Âu geh tât nău tâm boh ta Ấn Độ Dương - Thái Bình Dương.

 Ta rơh tâm nchră, ăp đại biểu hŏ tâm nchră mpeh ăp nău tât khuch bah tâm lơh Ukraine đah nkual Ấn Độ Dương - Thái Bình Dương, đăp mpăn lam ntŭr neh. Tâm boh đah Trung Quốc - Nga aƀaơ n'hanh tâm let năp tay tâm ban kơt ăp ntul rlong đah đăp mpăn lam ntŭr neh, trong tâm boh âk ding n'hanh ăp nkô̆ nău dơi kon nuĭh ma Châu Âu n'hanh Ấn Độ Dương - Thái Bình Dương dôl ndrel tâm ât rdâng./.

Nuĭh rblang: Điểu Thân