VOV4.Mnông- Ntŭk kan mbơh nău mhe Reuters nar 13/1 ndơ̆ nău, Iran n’hanh Mỹ geh nău kan tâm di mpeh ăp nău tơm khlăy ta rơh tâm nchră hạt nhân dôl geh ƀư ta Viena dak Áo. Nău aơ geh mbơh nău ôp gĭt geh ơm ir joi du trong tâm ton gay ma ntoch nău tâm ton hạt nhân năm 2015 đŏng lah mô, ta năp nău mĭn rvê mpeh du rơh tâm lơh Trung Đông têh hvi lơn. Tĭng ăp nuĭh kan nchră nău đah dak bah dih lôch 8 rơh tâm nchră,nău jêr ngăn hôm nha lah nău ngăch n’hanh nău ƀư tih bâh nău nklơi jăng ăp nău rmal bâh Mỹ đah Iran. Iran đă Mỹ mât đăp mpăn mô geh ăp njoat rmal êng tay n’hanh ndơ̆ mbơh nău ntul rlong, ta rnôk ndâk nsơm tay ăp ntrong kan mât njrăng đah nău kan nguyên tử bâh dak aơ, ngăn lah Mỹ an geh tâm ton mô nklơi nău tâm ton aơ du tơ̆ tay.

          Nuĭh rblang: Thị Đoắt